کھڈیاں خاص(ویب ڈیسک) KB پروڈکشن نے گلوکارہ گلاب کی کرونا وائرس سے بچاﺅ کے لیئے پڑھی گئی خصوصی دعا”لیا جب بھی میں نے یہ نام محمدﷺ“ ریلیز کردی۔اس خصوصی دعاکو گذشتہ روز سوشل میڈیا پر خرم بھٹی پروڈکشن نے ریلیز کیا ہے اس ویڈیو کے پروڈیوسر خرم بھٹی ہیں۔ایک ملاقات کے دوران گلوکارہ گلاب نے بتایاکہ کرونا وائرس کی بڑھتی ہوئی تباہیوں کے پیش نظر ہمیں اس وقت اپنے رب سے گڑ گڑا کر دعائیں مانگنے کی اشد ضرورت ہے کیونکہ اس سے ہم ایسے ہی نجات حاصل کر سکتے ہیں گلوکارہ گلاب نے کہاکہ مذکورہ دعا بھی میں نے اپنے اللہ کے حضور گڑاگڑا کر ریکارڈ کروائی ہے جس میں میں نے اللہ کو اپنے پیارے حبیب کے صدقہ دے کر اس موزی وبا سے بچانے کی دعائیں کی ہیں اللہ ہم سب کو اپنے حفظ و امان میں رکھیں اور اس وقت جس آزامائش کی گھڑی میں ہم سب گرفتار ہیں اللہ ہمیں اس سے سے نجات دلائیں اور ہم سب کے گناہ معاف فرماکر ہمیں بخش دیں آمین۔

کھڈیاں خاص(ویب ڈیسک)کرونا وائرس کی وجہ سے ہونیوالی شوبز کی چھٹیوں نے فنکاروں کو گھروں تک محصور کردیا۔ٹی وی فلم اور اسٹیج کے اداکار اپنے بچوں کے ساتھ وقت گزارنے لگے ان میں سے بہت ساری اداکارائیں تنہا یا بچوں کے ساتھ ٹک ٹاک ویڈیوز بناکر اپنا وقت گزارنے لگیں۔ان میں سے بہت ساری اداکارائیں اور اداکار تو گھر پر ٹی وی دیکھ کر یا سوشل میڈیا پر لائیو آکر ایکٹو ہیں جبکہ ابھی بہت بہت ساری اداکارائیں جن میں سٹیج کی اداکارائیں سے سے زیادہ پیش پیش ہیں وہ ٹک ٹاک ویڈیوز بنا رہی ہیں اور انہیں اپنے سوشل اکاﺅنٹس پر اپلوڈ کرکے وقت گزار رہی ہیں ان میں سے بہت ساری اداکاراﺅں کے فیس بک آئی ڈی پر اپلوڈ کی جانیوالی ویڈیوز پر عوام کی طرف سے غصے اور تنقید بھرے کمنٹس کا سامنا کرنا پڑ رہاہے جن میں عوام کی طرف سے انہیں صلاح دی جارہی ہے کہ وہ اس نازک گھڑی میں اللہ کو یاد کرنے کی بجائے گانوں کی اور فنی ٹک ٹاک بنا رہی ہیں جو درست نہیں ہے انہیں اللہ سے معافی مانگنی چاہیئے اور پریشانی کی اس گھڑی میں اللہ سے اس موزی مرض سے چھٹکارے کی دعائیں مانگنی چاہیئے۔

کھڈیاں خاص(ویب ڈیسک) کینیڈا میں مقیم معروف گلوکارہ فروہ خان کا کورسونگ”میرے پاس تم ہو“3 اپریل کو ریلیز کیا جائیگا۔تفصیلات کے مطابق اس ویڈیو سونگ کو سٹوڈیو24 سے سوشل میڈیا اور آفیشل یوٹیوب چینل پر ریلیز کیا جائیگا۔اس گانے کی کمپوزیشن نوید نوشاد نے ترتیب دی ہے جبکہ اس کی شاعری خلیل الرحمان قمر کی لکھی ہوئی ہے اس گانے کی مکس ماسٹرنگ حسن بادشاہ اورراحیل مرزا نے کی ہے جبکہ اس کی ریکارڈنگ فرخ عابدسٹوڈیوکینیڈا میں کی گئی ہے۔اس کی پروڈکشن پہچان پرموشنزکینیڈا اور ریڈ میڈیا سرکل کی ہے۔ایک ملاقات کے دوران فروہ خان نے بتایاکہ اس گانے کو معروف گلوکار راحت فتح علیخاں نے ایک ڈرامہ سیریل کے لیئے تھیم سونگ کے طور پر گایاتھا جس نے دنیا بھرمیں مقبولیت حاصل کی تھی جبکہ میں نے اسے کوورسونگ کے طور پر گایا ہے۔فرو ہ خان نے مذید کہاکہ انہیں امید ہے کہ ان کے پرستار ان کے اس کور سونگ کو بے حد پسند کریں گے۔

کراچی(ویب ڈیسک) معروف اداکارہ نیلم منیر کا کہنا ہے کہ ہمیں لوگوں کی عزت نفس کا خیال رکھتے ہوئے ان کی مدد کرنی چاہیے۔
اداکارہ نیلم منیر نے انسٹا گرام پر ایک پوسٹ شیئر کی جس میں انہوں نے کہا کہ جو لوگ موجودہ صورتحال میں دن و رات دوسروں کی مدد اور خدمت انجام دے رہے ہیں خواہ وہ ڈلیوری بوائے ہو یا گھروں پر کام کرنے والے ملازم، ہمیں ایسے لوگوں کا درد محسوس کرنے کی ضرورت ہے۔انہوں نے کہا کہ اس طرح کے بہت سے لوگ عزت نفس کی خاطر دوسروں سے صدقہ نہیں لیتے۔ لیکن یہ وقت ہے کہ ہم سب ایسے لوگوں کے لئے قدم آگے بڑھائیں اور عزت نفس کا خیال رکھتے ہوئے ان کی مدد کریں۔

کراچی(ویب ڈیسک) خوبرواداکارہ ماہرہ خان نے مداحوں کو مایہ نازپاکستانی ڈرامہ ’آنگن ٹیڑھا‘ دوبارہ دیکھنے کا مشورہ دیا ہے۔
عالمہ شہرت یافتہ اداکارہ ماہرہ خان نے انسٹاگرام پرایک پوسٹ شیئرکی جس میں انہوں نے پاکستان کے مشہورومعروف ڈرامہ ’آنگن ٹیڑھا‘ کا زکر کرتے ہوئے کہا کہ جب وہ کالج میں زیرتعلیم تھیں تب وہ واپسی پر چند ہی چیزیں گھر لے کرجاتی تھیں جن میں سے ایک ’آنگن ٹیڑھا‘ کی ڈی وی ڈی ہوا کرتی تھی۔اداکارہ نے کہا کہ ہراتوار جب بھی انہیں فراغت ہوتی تھی تووہ ایک گندے سے صوفے پربیٹھ کرآئس کریم کھاتے ہوئے ڈرامہ دیکھتی تھیں۔ وہ ڈرامہ انہیں بہت ہنساتا تھا۔ماہرہ خان نے اپنے مداحوں کو کہا کہ وہ ’آنگن ٹیڑھا‘ کودیکھیں اوراگردیکھ چکے ہیں تودوبارہ دیکھیں کیونکہ یہ پاکستان کے بہترین ڈراموں میں سے ایک ڈرامہ ہے۔ ڈرامہ کے لکھاری انور مقصود اور اس ڈرامہ کے تمام کردار سلیم ناصر، بشریٰ آپا، شکیل صاحب، واقعی ان سب کی کیا بات ہے۔