ملتان( جنرل رپورٹر) بدنام زمانہ بین الاقوامی ہیکرز نے گلوبل فنانشل سسٹم کومفلوج کرنے کیلئے سائبراٹیک کا فیصلہ کرلیا ہے جس کی وجہ سے مالیاتی اداروں سٹاک ایکسچینج ‘پرائزبانڈز مارکیٹ‘فارن ایکسچینج‘ ایکسپورٹ اینڈامپورٹ ٹرانزکش کی سروس فراہم کرنے والے ادارے سخت پر یشانی میں مبتلا ہیں کیونکہ اگرہیکرز مالیاتی نظام کومفلوج کرنے میں کامیاب ہوگئے تھے تویورپ ‘امریکہ‘برطانیہ سمیت مختلف ممالک کانظام بیٹھ جائے گا۔اسرائیل کی نشاندہی پر امریکہ‘ برطانیہ‘ متحدہ عرب امارات ‘آسٹریا‘ سوئٹزر لینڈ ‘جرمنی‘ اٹلی ‘ ہالینڈاورتھائی لینڈنے مشترکہ طورپراس صورتحال سے نمٹنے کافیصلہ کیاہے اور آپس میں معلومات کاتبادلہ کرتے اور مشترکہ حفاظتی اقدامات کرنے کابھی فیصلہ کیاہے تاکہ ڈیٹاکو بچایاجاسکے ورنہ کروڑوں افراد متاثر ہونے کاخدشہ ہے۔ ان اطلاعات نے فنانشل مارکیٹ میں تباہی مچادی ہے اورتمام ادارے خود کو غیرمحفوظ تصورکررہے ہیں۔ اسرائیل کے فنانشل سائبرمنیجر میکاویس (Micha Weis) نے بتایا کہ گزشتہ دس برس سے حساس ڈیٹا ڈارک ویب(Dark web) پرنمودار ہورہاہے جس میں جھوٹی خبروں کی بھی بھرمار ہے تاکہ عالمی منڈی میں شدیدترین بحران اور بے یقینی کی صورتحال پیدا کی جاسکے۔اسرائیل نے اس حوالے سے ایک ڈاکومینٹری بھی تیارکی ہے جوکہ میٹنگ کے شرکاءکودکھائی گئی جس میں بتایاگیا کہ متوقع سائبر اٹیک سے کیاگیانقصان ممکن ہے۔ ان ممالک کے بینکوں نے حکومت سے مددطلب کی ہے کہ وہ حفاظتی اقدامات کریں اور اکاﺅنٹس ہولڈرزکو مطمئن کریں کہ وہ اپناسرمایہ بینکوں سے نہ نکلوائیں ورنہ بینک تباہ ہوجائیں گے۔اجلاس کے شرکاءنے مختلف پالیسیاں بنانے اور مختلف کرنسیوں سے تبادلے کا معاہدہ معطل کرنے کی تجویز دی۔
