کوئٹہ: (ڈیلی خبریں) کوئٹہ میں ینگ ڈاکٹروں اور پولیس کے درمیان جھڑپ کے دوران 20 ڈاکٹروں کو گرفتار کر لیا گیا۔ احتجاجا شعبہ حادثات کو بھی بند کرنے کی دھمکی دے دی۔
کوئٹہ کے سول ہسپتال سے ینگ ڈاکٹر اور پیرا میڈیکس اسٹاف ایسوسی ایشن نے احتجاجی ریلی نکالی اور زبردستی پولیس کی جانب سے کھڑی کی گئیں رکاوٹیں ہٹا کر ریڈ زون کی طرف مارچ شروع کر دیا، انھیں روکنے کے لئے پولیس کی بھاری نفری تعینات تھی۔
اس دوران ڈاکٹروں اور پولیس کے درمیان دھکم پیل ہوئی، جس پر پولیس نے لاٹھی چارج کر دیا اور مشتعل ڈاکٹروں کو گھیسٹ کر پولیس وین میں گرفتار کر کے ڈال دیا۔ گرفتار ڈاکٹروں کے ساتھیوں نے انسکمب روڈ پر دھرنا دے دیا جبکہ سرکاری ہسپتالوں کی ایمرجنسی سروس کا بھی بائیکاٹ کرنے کا فیصلہ کیا جو بعد میں واپس لے لیا۔ ڈاکٹروں کا کہنا ہے کہ 20 ساتھیوں کو گھیسٹ کر وین میں ڈالا گیا ہے، جس کے خلاف احتجاجا دھرنا دیا ہے۔
کوئٹہ: ینگ ڈاکٹرز اور پولیس میں جھڑپ، 20 ڈاکٹر گرفتار، احتجاجا شعبہ حادثات بند کرنے کی دھمکی
