رافیل نڈال نے آسٹریلین اوپن کا ٹائٹل جیت کر نیا عالمی ریکارڈ قائم کردیا

ٹینس کی دنیا کے اسٹار رافیل نڈال نے آسٹریلین اوپن کا ٹائٹل جیت کر 21 بار ‘گرینڈ سلم’ کا اعزاز حاصل کرنے والے پہلے کھلاڑی بن گئے۔
میڈیا رپورٹ کے مطابق اسپین سے تعلق رکھنے والے رافیل نڈل نے آسٹریلین اوپن کے فیصلہ کن معرکے میں روسی حریف ڈینل میڈویڈوو کو شکست دی اور اکیس بار گرینڈ سلم ٹائٹل جیتنے والے پہلے ٹینس کھلاڑی بن گئے، دونوں کے درمیان فائنل میچ ساڑھے پانچ گھنٹے سے زائد جاری رہا۔
رافیل نڈال نے اپنے کیریئر میں دوسری بار آسٹریلین اوپن کا ٹائٹل جیتا تاہم اب وہ ٹینس کے مرد مقابلوں میں سب سے زیادہ گرینڈ سلم ٹائٹل رکھنے والے پہلے کھلاڑی ہیں۔
اسپیشن کھلاڑی کو فائنل میں روسی حریف کے خلاف پہلے دو سیٹس میں مات ہوئی بعد ازاں انہوں نے کم بیک کرتے ہوئے اگلے تینوں سیٹس اپنے نام کرلیے۔
خیال رہے کہ اس فائنل کو دوسرا طویل میچ قرار دیا گیا ہے جبکہ اس سے قبل 2012 میں نواک جوکووچ اور رافیل نڈال کے درمیان آسٹریلین اوپن کا فائنل 5 گھنٹے 53 منٹ تک جاری رہا تھا اس میچ میں اسپیشن اسٹار کو شکست ہوئی تھی۔