فیصل آباد میں خواتین کھلاڑیوں کیلئے جشن بہاراں باسکٹ بال ٹورنامنٹ کا انعقاد

فیصل آباد : (ویب ڈیسک) فیصل آباد کے گورنمنٹ اسلامیہ کالج برائے خواتین میں جشن بہاراں باسکٹ بال ٹورنامنٹ کا انعقاد کیا گیا۔ فائنل میچ میں فتح حاصل کرنے والی ٹیم کو انعامات سے بھی نوازا گیا۔
موسم بہار کو خوش آمدید کہنے کیلئے گورنمنٹ اسلامیہ کالج برائے خواتین میں منعقدہ باسکٹ بال ٹورنامنٹ کے آخری روز گورنمنٹ اسلامیہ کالج، گورنمنٹ پوسٹ گریجویٹ کالج، سمن آباد ہائیر سیکنڈری سکول اور پنجاب گروپ آف کالجز کی ٹیمیں ایک دوسرے کے مدمقابل آئیں۔چاروں ٹیموں کے مابین کانٹے دار مقابلہ ہوا۔ فائنل میچ میں کامیابی حاصل کرنے والی گورنمنٹ اسلامیہ کالج کی کھلاڑی طالبات کی خوشی دیدنی تھی۔
صدر ویمن باسکٹ بال ایسوسی ایشن کا کہنا ہے کہ طالبات کی ذہنی و جسمانی نشوونما کے لیے کھیلوں کی سرگرمیاں انتہائی ضروری ہیں۔مقابلوں کے اختتام پر پوزیشنز حاصل کرنے والی طالبات کی حوصلہ افزائی کیلئے انہیں انعامات سے بھی نوازا گیا۔