کراچی: (ویب ڈیسک) امریکی ڈالر پاکستانی کرنسی کے مقابلے ایک روپیہ 43 پیسے گر گیا، دوسری جانب پاکستان سٹاک مارکیٹ میں 1500 سے زائد پوائنٹس کا بڑا اضافہ دیکھنے میں آیا۔
کاروباری ہفتے کے پہلے روز امریکی ڈالر کی قیمت میں بڑی گراوٹ دیکھی گئی، ایک روپیہ 43 پیسے کمی سے 183 روپے 25 پیسے پر ٹریڈ ہوا۔ امریکی کرنسی کی قیمت میں 2 روز کے دوران 4 روپے 93 پیسے کی مجموعی کمی ہوئی ہے۔
دوسری جانب سٹاک مارکیٹ میں آج خاصی تیزی کا رجحان رہا، مارکیٹ کھلتے ہی 1300 پوائنٹس اضافے کے ساتھ 100 انڈیکس 45ہزار 700 پوائنٹس سے تجاوز کر گیا، بعد ازاں مزید اضافے سے 100 انڈیکس 45ہزار 861 پوائنٹس پر ٹریڈ ہوا۔ مسلسل مثبت رجحان نے سرمایہ کاروں کو اعتماد بخشا جس کے سبب ٹریڈنگ میں مزید اضافے سے 100 انڈیکس 46 ہزار کی سطح پر کراس کر گیا۔
ڈالر 1.43 روپے سستا، سٹاک مارکیٹ میں 1500 پوائنٹس کا بڑا اضافہ
