لاہور: (ویب ڈیسک) معروف سوشل میڈیا ایپلیکیشن اسنیپ چیٹ نے صارفین کیلئے ‘ڈائنمک اسٹوریز’ فیچر کی نئی سہولت فراہم کردی۔
سوشل میڈیا کے مقبول ترین پلیٹ فارم اسنیپ چیٹ نے اپنی ایپلی کیشن کو مزید دلچسپ بناتے ہوئے صارفین کیلئے نیا فیچر متعارف کروا دیا ہے تاکہ صارفین کا پلیٹ فارم سے تعلق مزید مضبوط ہوجائے۔
غیر ملکی میڈیا رپورٹس کے مطابق‘ڈائنمک اسٹوریز’ فیچر سے معمول کے اسنیپ چیٹ کو زیادہ فرق نہیں پڑے گا تاہم نئے فیچر سے صارفین کیلئے فوری طور پر دنیا کی تازہ ترین خبروں تک رسائی ممکن ہوجائے گی۔
اسنیپ چیٹ کے مطابق نیا ڈسکورفارمیٹ شراکت دار آر ایس ایس کی فیڈ استعمال کرتے ہوئے خود کار طریقے سے پبلیشر کے مواد کو استمعال کرکے اسٹوریز تیار کرتا ہے جبکہ ڈائنمک اسٹوریز کی سہولت ڈسکوور فیڈ میں دستیاب ہوگی جو فوری طور پر اپ ڈیٹ ہوتی رہے گی۔
اسنیپ چیٹ کے مطابق اس سہولت سے صارفین کو فوری طور پر دنیا بھر کی تازہ ترین خبریں موصول ہوتی رہیں گی۔ چاہے وہ با وثوق ذرائع سے یوکرین میں جاری جنگ کی تازہ خبریں ہوں یا فیشن اور پاپ کلچر کی خبریں ہو۔
ڈائنمک اسٹوریز سے صارفین کو 24 گھنٹے دنیا بھر کے تازہ ترین حالات و واقعات کی معلومات ملتی رہیں گی۔
خیال رہے اسنیپ چیٹ کی جانب سے ‘ڈائنمک اسٹوریز ‘کا فیچر پہلے ہی امریکا، برطانیہ، فرانس اور بھارت میں ٹیسٹ کیا جاچکا ہے۔
