عالمی مارکیٹ میں کمی کے باوجود پاکستان میں سونے کی قیمت میں اضافہ

کراچی: (ویب ڈیسک) بین الاقوامی مارکیٹ میں کمی کے باوجود پاکستان میں سونے کی قیمت میں اضافہ ریکارڈ کیا گیا۔
عالمی مارکیٹ میں فی اونس سونے کی قیمت میں 9 ڈالر کمی ہوئی جس کے بعد نئی قیمت 1808 ڈالر کی سطح پر آگئی۔
مقامی صرافہ مارکیٹوں میں فی تولہ سونے کی قیمت میں 100 روپے کا اضافہ ریکارڈ کیا گیا جس کے بعد سونے کی نئی قیمت ایک لاکھ 68 ہزار900 روپے ہو گئی ہے۔
دس گرام سونے کی قیمت 86 روپے بڑھ کر ایک لاکھ 44 ہزار 519 روپے کی سطح پر آ گئی۔
دوسری جانب سونے کے بعد چاندی کی فی تولہ قیمت میں بھی 20 روپے اضافہ ریکارڈ کیا گیا ہے جس کے بعد نئی قیمت 1990 روپے ہو گئی۔