عالمی مارکیٹ کے بعد پاکستان میں سونے کی قیمت میں آج پھر بڑا اضافہ

کراچی: (ویب ڈیسک) کاروباری ہفتے کے دوسرے روز عالمی مارکیٹ میں سونے کی قیمت میں اضافہ کے ساتھ پاکستان میں بھی بڑا اضافہ ریکارڈ کیا گیا۔
عالمی مارکیٹ میں فی اونس سونے کی قیمت 12 ڈالر کا اضافہ ہوا جس کے بعد نئی قیمت 1808 ڈالر کی سطح پر آگئی۔
مقامی صرافہ مارکیٹوں میں فی تولہ سونے کی قیمت میں 3900 روپے کا بڑا اضافہ ریکارڈ کیا گیا ہے جس کے بعد سونے کی نئی قیمت ایک لاکھ 78 ہزار800 روپے ہو کر تاریخ کی نئی بلند ترین سطح پر آگئی ہے۔
دس گرام سونے کی قیمت میں 3344 روپے کا اضافہ ریکارڈ کیا گیا جس کے بعد نئی قیمت ایک لاکھ 53 ہزار 292 روپے کی سطح پر آ گئی۔