لاہور: (ویب ڈیسک) پاکستان سپر لیگ (پی ایس ایل) 8 میں تیز ترین سنچری بنانے کا ریکارڈ پاکستانی بیٹر محمد رضوان نے اپنے نام کر لیا۔
پی ایس ایل 8 میں محمد رضوان نے 60 گیندوں پر سنچری بنا لی جو پی ایس ایل 8 کی تیز ترین سنچری ہے۔
محمد رضوان نے اپنی پرفارمنس کا تسلسل جاری رکھتے ہوئے کراچی کنگز کے خلاف 110 رنز کی ناقابل شکست اننگز کھیلی، جس میں انہوں نے 4 چھکے اور 10 چوکے مارے۔
اس سے قبل پی ایس ایل 8 میں تیز ترین سنچری کا ریکارڈ مارٹن گپٹل کے پاس تھا جنہوں نے 62 گیندوں پر سنچری سکور کی تھی۔
واضح رہے کہ پی ایس ایل 8 میں اب تک صرف 2 سنچریاں سکور کی گئی ہیں۔
بدھ کو کھیلے گئے پی ایس ایل سیزن 8 کے میچ میں ملتان سلطانز نے دلچسپ مقابلے کے بعد کراچی کنگز کو 3 رنز سے شکست دی۔
ملتان کے میدان میں کھیلے گئے میچ میں کراچی کنگز کی ٹیم ملتان سلطانز کی جانب سے دیا گیا 196 رنز کا ہدف حاصل کرنے میں ناکام رہی اور مقررہ اوورز میں 5 وکٹوں کے نقصان پر 193 رنز تک بنا سکی۔
پی ایس ایل 8: محمد رضوان نے ایک اور ریکارڈ بنا ڈالا
