عمران خان کی توشہ خانہ کیس میں پیشی، وفاقی پولیس نے ایس او پیز جاری کر دیئے

اسلام آباد: (ویب ڈیسک) اسلام آباد پولیس کی جانب سے چیئرمین پاکستان تحریک انصاف اور سابق وزیراعظم عمران خان کی پیشی کے موقع کے لیے ایس او پیز جاری کر دیئے گئے۔
ایس او پیز کے مطابق اسلام آباد میں دفعہ 144 نافذ ہے جس کی پابندی کرنا ہوگی، عدالت، احاطہ یا قریب میں مسلح شخص موجود نہیں ہوگا۔
اس حوالے سے جاری ہونے والی ایس او پیز کے مطابق عدالت میں ساتھ جانے والے افراد اور گاڑیوں کی چیکنگ کروائی جائے گی، لاٹھیاں یا دیگر نقصان پہنچنے والی کوئی چیز عدالتی احاطہ میں لانے پر پابندی ہوگی جبکہ ریاست، اشتعال انگیز نعرے یا مجمعے کی اجازت بھی نہیں ہوگی۔
سرکاری اور پرائیویٹ پراپرٹی کو نقصان پہنچا تو ذمہ داری پی ٹی آئی پرہوگی، ریاست یا مذہب مخالف کوئی بھی پلے کارڈ یا بینر آویزاں کرنے یا ساتھ لانے کی اجازت نہیں ہوگی۔
اسلام آباد پولیس کی جانب سے کہا گیا ہے کہ عمران خان تمام ایس او پیز پر عمل در آمد کروانے کے پابند ہیں۔