پاکستان کے 77 ویں یوم آزادی پاکستان پر خادم حرمین شریفین شاہ سلمان بن عبد العزیز نے پاکستانی قوم کو دلی مبارک باد پیش کرتے ہوئے نیک تمناؤں کا اظہار کیا ہے۔
سعودی خبر رساں ایجنسی کے مطابق فرمانروا شاہ سلمان اور ولی عہد شہزادہ محمد بن سلمان نے تہنیتی پیغام میں پاکستان کی ترقی اور خوشحالی کےلیے نیک خواہشات کا اظہار کیا ہے اور دونوں ممالک کے درمیان تعلقات کے فروغ پر زور دیا ہے۔
شاہ سلمان اور ولی عہد شہزادہ محمد بن سلمان نے صدر آصف علی زرداری کو تہنیتی مکتوب روانہ کیے جس میں پاکستانی حکومت، عوام اور ملک کےلیے نیک جذبات کا اظہار کیا گیا۔
روسی صدر پوٹن سمیت دیگر مغربی ممالک کے سربراہان نے بھی پاکستان کے یوم آزادی پر پاکستانی عوام کے نام حکومت کو تہنتی پیغامات بھیجے ہیں۔
