سرینگر: مقبوضہ کشمیر میں بھارتی فوجی اڈے کے نزدیک حملے میں ایک اہلکار شدید زخمی ہوگیا تھا جس نے دوران علاج ملٹری اسپتال میں دم توڑ دیا۔
بھارتی میڈیا کے مطابق جموں کے علاقے میں سنجوان فوجی اڈے کے نزدیک بھارتی فوج پر حملہ کیا گیا۔ حملہ اتنا اچانک کیا گیا تھا کہ سنبھلنے کا موقع نہیں مل سکا۔
فائرنگ کی آواز سنتے ہی بھارتی فوجی اڈے میں افراتفری مچ گئی۔ افسران کی دوڑیں لگ گئیں اور اہلکار خوف زدہ ہوکر اپنے کمروں میں چھپ گئے۔
حملہ آور کی تعداد ایک سے زائد تھی جو کارروائی کے بعد بآسانی فرار ہوگئے۔ جس کے بعد بھارتی فوج کے افسران جائے وقوعہ پر پہنچے تو ایک اہلکار کو شدید زخمی حالت میں پایا۔
زخمی اہلکار کو قریبی ملٹری اسپتال منتقل کیا گیا جہاں اس نے خون زیادہ بہہ جانے کے باعث دوران علاج دم توڑ دیا۔
ہلاک ہونے والے بھارتی فوجی شناخت ظاہر نہیں کی گئی جب کہ تاحال کسی گروپ نے حملے کی ذمہ داری قبول نہیں کی۔
