بھارت میں بچی کو 16 کروڑ روپے کا زندگی بچانے والا انجکیشن لگا دیا گیا ہے۔
بھارتی میڈیا رپورٹ کے مطابق ہمدردی اور اجتماعی کوششوں نے کمسن بچی کی جان بچالی، بچی نایاب جینیاتی عارضے میں مبلتا تھی جس کی زندگی بچانے کے لیے انجیکشن درکار تھا جس کی قیمت 16 کروڑ روپے تھی۔
یہ کامیابی ایک کراؤڈ فنڈنگ مہم کے ذریعے ممکن ہوئی ہے جو ایک پہل جو ایناڈو میں شائع ہونے والے ایک مضمون سے شروع ہوئی جس میں بچے کے خاندان کی حالت زار پر روشنی ڈالی گئی تھی۔
بچی کو اسپائنل مسکولر ایٹروفی (ایس ایم اے ٹائپ ون) کی تشخیص ہوئی تھی اور اسے اسپتال میں مہنگا انجیکشن لگایا گیا جسے ‘زولگینسما’ کہا جاتا ہے۔
ایکس (سابقہ ٹویٹر) پر لوکیش نے لکھا، "میرا وعدہ پورا ہو گیا ہے۔ پنرویکا کو آج انجکشن ملا ہے۔ ننھی پری، آپ سو سال جیو۔
پنرویکا کرنول ضلع کے ویلدورتھی کے رہنے والے جے ایس سریش کمار اور پشپاوتی کی بیٹی ہے۔ وہ گزشتہ سال 12 اپریل کو پیدا ہوئی۔ اس کی پیدائش کے صرف تین مہینوں کے اندر والدین نے بیٹی کی جسمانی حرکات میں کمی دیکھی جس کے بعد ٹیسٹ لیے گئے تو بیماری کا عمل ہوا کہ یہ جان لیوا بیماری پٹھوں کی طاقت اور نقل و حرکت کو متاثر کرتی ہے۔
بیماری کا علاج کافی مہنگا تھا کیونکہ مطلوبہ انجیکشن کی لاگت حیرت انگیز طور پر 16 کروڑ روپے ہے، کمار نے بتایا کہ جب ڈاکٹروں نے انہیں بچی کی نازک حالت کے بارے میں بتایا تو ان کا خاندان مکمل صدمے اور بے اعتباری کی حالت میں رہ گیا تھا۔
انہوں نے کہا کہ نایاب بیماری کے بارے میں جان کر ہمیں بہت تکلیف ہوئی اور خدشہ تھا کہ ہم اپنی بیٹی کو کھو دیں گے؛ تاہم ڈاکٹروں نے ہمیں مشورہ دیا کہ وہ ڈیڑھ سال کی ہونے سے پہلے اسے یہ انجکشن لگا سکتے ہیں۔
سریش نے بتایا کہ گزشتہ سال 29 نومبر کو "ایناڈو” میں شائع ہونے والے ایک آرٹیکل نے عوام کی توجہ ان کی بیٹی کی طرف مبذول کروائی تھی اس کے بعد ان کے ایک دوست منجوناتھ چودھری نے انہیں ‘امپیکٹ گرو’ پلیٹ فارم کے ذریعے کراؤڈ فنڈنگ مہم شروع کرنے کا مشورہ دیا، ان اجتماعی کوششوں کا ایک اہم اثر ہوا، عطیہ دہندگان اور خیر خواہوں نے تقریباً 10 کروڑ کا فنڈ دیا۔
تاہم، باقی 6 کروڑ روپے کے انتظامات کے حوالے سے پریشانیاں بڑھنے لگیں اس موقع پر آندھرا پردیش کے وزیر آئی ٹی و ایجوکیشن نارا لوکیش نے بقیہ فنڈز کو اکٹھا کرنے میں مدد کرنے کا اعلان کیا، انھوں نے ذاتی طور پر بیرون ملک سے انجکشن منگوانے کے عمل کی بھی نگرانی کی۔
ڈاکٹروں کا کہنا ہے کہ ایسے معاملات میں ابتدائی علاج بہت ضروری ہے۔ یہ علاج بچے کی صحت یابی اور اس کے معیار زندگی میں نمایاں بہتری کے لیے اہم امید ہوتی ہے۔
