لاہور ہائیکورٹ’آتشزدگی واقعات روکنے بارے درخواست6اکتوبر کو سماعت کیلئے مقرر کرنیکی ہدایت

لاہور(کورٹ رپورٹر ) چیف جسٹس لاہور ہائیکورٹ عالیہ نیلم نے آتشزدگیوں کے واقعات
روکنے بارے درخواست کو مرکزی کیس کیساتھ 6 اکتوبر کو سماعت کیلئے مقرر کرنے کی ہدایت کر دی، عدالت نے اظہر صدیق ایڈووکیٹ کو ہدایت کی کہ بار بار متفرق درخواستیں نہ دیں انکی وجہ سے آپ مین کیس کو چلنے نہیں دیتے، وکیل نے موقف اپنایا کہ درخواستوں پر چیف سیکرٹری جواب نہیں دیتیاس لئے عدالت آنا پڑتا ہے،عدالت نے این ڈی ایم اے سیکرٹری صحت پنجاب اور ہسپتالوں کے ایم ایس نے جواب داخل کرانے کی ہدایت کر رکھی ہے،درخواست میں موقف اپنایا گیا کہ بلڈنگ کوڈ اور فائر ایکٹ پر عمل نہ ہونے سے عمارتوں میں آگ لگنے کیواقعات ہورہے ہیں،ایمرجنسی ہیلی کاپٹر سروس شروع نہ ہونے سے کئی جانیں ان حادثات کی نظرہوئیں،شہر کی 6. 78 فیصد عمارتیں فائر سیفٹی میں گریڈ ڈی ہیں،شہر کی 682 عمارتیں ہائی رسک، 13 ناقابلِ رہائش ہیں،ریسکیو 1122 کی 83 فیصد ایمبولینسز میعاد پوری کر چکی ہیں،50 نئے فائر انجنز، لیڈر ٹرکس اور ہیلی کاپٹرز خریدے جانے چاہئیں،کمانڈ اینڈ کنٹرول کا یکساں نظام، جدید آلات اور مشترکہ ڈیٹا بیس موجود نہیں،عدالت شہر میں فائرلگنے کے واقعات کی انکوائری کرنے کا حکم دے،عدالت بلڈنگ کوڈ اورعمارتوں میں متبادل ایگزٹ کی فراہمی کاحکم دے،تین منزلہ کمرشل عمارتوں کا 90 دن میں آڈٹ، عدم تعمیل پر سیل کیاجائے۔