ہر ی پور(بیورورپورٹ)معمولی نوعیت کے مقدمات میں گرفتار افغانیوں کو مزید جیل میں رکھنے کی بجائے انہیں اپنے وطن ڈیپورٹ کر نا چاہیے،دنیا کے ہر ملک میں یہی دستور و قانونی ہے مگر پاکستان کی منطق سمجھ سے باہر ہے ہریپور سمیت ہزارہ اور کے پی کے کی تمام جیلوں سے ان افغانیوں کو فوری افغانستان بھیجا جائے جو بوجھ ہیں تاہم ملکی سالیمت کو داو پر لگانے والوں کو سخت سزائیں دینا بھی حکومت کا حصہ ہے ان خیالات کا اظہار ہریپور کے شہریوں نے کیا جنکا کہنا ہے کہ پاکستان نے ان افغانیوں کی کم از کم 45 سال مہمان نوازی کی ہے جنہوں نے بدلہ میں ہمیں اسلحہ ،منشیات تحفہ میں دی شہریوں کا کہنا ہے کہ جیلوں میں 337،3/4 ،بلڈنگ رینٹ ایکٹ سمیت دیگر معمولی نوعیت کے کیسوں میں اگر کوئی افغان مہاجر جیل میں قید ہے تو انہیں فوری اپنے وطن واپس بھیجا جائے کیونکہ صوبہ کی اکثر جیلوں میں مزید قیدیوں کی گنجائش بھی نہیں ہے اور یہی افغانی ہمارے ضلع میں کرائم کرنے میں پیش پیش تھے
