بیٹیاں اللہ کی رحمت ، رحمت پانے پر خوش ہونا افضل عمل ہے:عامر صدیقی

راولپنڈی(خصوصی رپورٹر)بیٹیاں اللہ کی رحمت ہیں رحمت پانے پر خوش ہونا افضل عمل ہے بچیوں کا عالمی دن آج 11 اکتوبر کو منایا جاتا ہے اس کا مقصد بچیوں کے حقوق، تعلیم، تحفظ، اور انہیں بااختیار بنانے کے حوالے سے آگاہی پیدا کرنا ہے ان خیالات کا اظہار پاکستان پیپلز پارٹی کے رہنما اور ترقی پسند فلاحی تنظیم کے صدر محمد عامر صدیقی نے
بچیوں کے عالمی دن کے موقع پر کیا انہوں نے کہا کہ اسلام سے قبل زمانہ جاہلیت میں بچیوں کو پیدا ہوتے ہی زندہ درگور کر دیا جاتا تھا اسلام ایک دین فطرت ہے جو رشتوں کو عزتوں سے نوازتا اور ہر رشتے کو مقدم رکھتا ہے، جہاں اگر بیٹا نعمت ہے تو بیٹی کو رحمت قرار دیا گیا ہے نبی کریم ۖ ہمیشہ بچوں سے شفقت سے پیش آتے، آپ ۖ کا فرمان عالیشان ہے فاطمہ میرے جسم کا حصہ ہے جس نے فاطمہ سے دشمنی کی اس نے مجھ سے دشمنی کی حضرت فاطمتہ الزہرا سلام اللہ علیھا کے وجود سے اسلام نے طبقہ نسواں کو عزت و حرمت بخشی، زندہ درگور کر دی جانے والی بیٹیوں کو فاطمہ زہرا کے وجود کی برکت سے عظمت کی معراج ملی مخدومہ کائنات سلام اللہ علیہا کا وجود دین و ملت کیلئے اساس و بنیاد کی حیثیت رکھتا ہے عامر صدیقی نے کہا کہ آپ کی سیرت مبارکہ دختران اسلام کیلئے مشعل راہ ہے عمل پیرا ہو کر ہی انقلاب برپا کر سکتیں ہیں ضرورت اس امر کی ہے کہ لڑکیوں (بچیوں) کو درپیش مسائل جیسے کم عمری کی شادی، تعلیم کی کمی، امتیازی سلوک اور لڑکیوں پر تشدد کے خاتمے کی طرف دنیا کی توجہ مبذول کرانا، انہیں بااختیار اور انہیں صنفی مساوات کی فراہمی، وراثت کا حق اور حقوق کا تحفظ یقینی بنانا ہے لڑکیوں کا بین الاقوامی دن لڑکی پر ظلم و زیادتی کی تاریخ جتنی قدیم ہے خاتون کے روپ میں اس کے حقوق، تعلیم و تربیت، ترقی و تحفظ کیلئے عملی اقدامات اشد ضروری ہیں ہمیں مل کر بچیوں کی صحت ایک مضبوط اور خوشحال معاشرے کی بنیاد رکھنی ہے۔