سعودی عرب میں عارف والا کے عمرہ زائرین باپ اوردو بیٹے جاں بحق

عارفوالا( نمائندہ خبریں)سعودی عرب میں عارف والا کے عمرہ زائرین حادثہ میں تین افراد شہید۔سعودی عرب میں مبینہ طور پر عمرہ زائرین کی کار کو حادثہ عارف والا سے تعلق رکھنے والی فیملی کے تین افراد خالق حقیقی سے جاملے ،وفات پانے والوں میں باپ اور دو نوجوان بیٹے شامل،تینوں باپ بیٹے بذریعہ کار مکہ سے مدینہ جا رہے تھے ان کی کار کو حادثہ پیش آگیا جس سے تینوں موقع پر ہی دم توڑ گئے۔وفات پانے والوں میں چوہدری واحد علی اس کے دو جواں سالہ بیٹے عمر واحد اور علی واحد شامل ہیں۔تینوں افراد کا تعلق محلہ اقبال نگر کی آرائیں فیملی سے ہے جو کچھ عرصہ قبل ساہیوال شفٹ ہوئے ہیں حادثہ میں متاثرہ فیملی چوہدری محمد رضوان سابقہ کونسلر اقبال نگر کے قریبی عزیز ہیں۔تینوں افراد کی میتیں پاکستان منتقل کرنے کی تیاریاں کی جا رہی ہیں ۔