ڈھاکا ائیرپورٹ پر ملائیشیا سے لوٹنے والے شوہر کا 3 بیویوں کا غیر متوقع استقبال

ڈھاکہ (آئی این پی )بنگلا دیش کے دارالحکومت ڈھاکا کے ائیرپورٹ پر اس وقت دلچسپ اور غیر معمولی صورتحال پیدا ہوگئی جب ملائیشیا سے وطن واپس آنے والے ایک شخص کا استقبال کرنے کے لیے اس کی تین بیویاں بیک وقت پہنچ گئیں۔غیرملکی میڈیا کے مطابق تینوں خواتین نے ائیرپورٹ پر اپنے شوہر کو دیکھتے ہی اس کا گھیرا ئو کرلیا، ابتدا میں تلخ کلامی اور بحث و تکرار سے شروع ہونے والا معاملہ دیکھتے ہی دیکھتے ہاتھا پائی اور کھینچا تانی تک جا پہنچا۔تینوں خواتین اپنے شوہر پر حق جتاتی رہیں جبکہ موقع پر موجود افراد یہ غیر معمولی منظر دیکھتے رہے۔صورتحال کو قابو میں رکھنے اور معاملہ سلجھانے کے لئے ائیرپورٹ سکیورٹی عملہ بھی حرکت میں آگیا، واقعے کی ویڈیو سوشل میڈیا پر وائرل ہوگئی۔