گوجرانوالہ بھی قصور بن گیا ،درجنوں کمسن بچوں سے زیادتی کے بعد ویڈیوز نیٹ پر وائرل ہونیکا انکشاف ملزم کون ،کیا کرتے ہیں دیکھئے خبر

گوجرانوالہ (مانیٹرنگ ڈیسک) گوجرانوالہ میں گھناو¿نا کھیل، بچیوں کے ساتھ زیادتی اور ویڈیوز بنانے کا انکشاف، پولیس نے دو ملزمان کو گرفتار کرلیا۔گوجرانوالہ میں کمسن بچیوں کے ساتھ زیادتی کے بعد ویڈیوز بنانے والا گروہ پولیس کے شکنجے میں آگیا۔ پولیس نے ملزمان کو گرفتار کر کے تحقیقات کے لیے نامعلوم مقام پر منتقل کردیا۔ بچیوں کی فحش ویڈیوز بھی قبضہ میں لے لیں۔ گرفتار ملزمان میں ویڈیوسینٹر کا مالک راشد اور جعلی پیر طارق شاہ شامل ہیں۔ پولیس کے مطابق دونوں ملزمان کافی عرصہ سے معصوم بچیوں کی زندگیوں سے کھیل رہے تھے اور فحش ویڈیوز بنانے کے گھناو¿نے کام میں ملوث تھے۔ اس گھناو¿نے فعل کی اطلاع ملنے پر پولیس اور حساس ادارے حرکت میں آئے اورمبینہ ملزمان کو گرفتار کر لیا۔پولیس ذرائع کے مطابق ملزمان کمسن بچیوں کیساتھ زیادتی کرتے اور اس کی ویڈیو بناتے، ملزمان سے درجنوں ویڈیوز قبضہ میں لے لی گئی ہیں۔ ذرائع نے یہ بھی بتایا کہ تحقیقات کے دوران ملزمان سے اہم انکشافات کی توقع ہے۔ کیس کی اس حوالے سے بھی تحقیقات کی جا رہی ہیں کے ملزمان ویڈیوز بنا کر بیرون ممالک کسی فحش ویب سائٹ کو تو فروخت نہیں کررہے۔ ملزمان کے خلاف مقدمہ درج کر لیا گیا ہے جبکہ اس گروہ میں کتنے افراد شامل ہیں اس کے لیے تحقیقات جاری ہیں۔ گرفتار ملزمان کے موبائلز کا ڈیٹا حاصل کرنے کے لیے کارروائی شروع کر دی گئی ہے۔دوسری جانب ملزمان کو آزاد کرانے کے لیے با اثر افراد سرگرم ہو چکے ہیں جبکہ 20 کے قریب متاثرین بھی سامنے آگے ہیں جن کی بچیوں کے ساتھ زیادتی کی گئی اور ویڈیوز بنا کے انٹرنیٹ پر وائرل کی گئیں۔