انوشکا نے رنبیر کو زناٹے دار تھپڑ رسید کردیا

ممبئی(ویب ڈیسک) بالی ووڈ اداکارہ انوشکا شرما نے فلم ”اے دل ہے مشکل“ کی شوٹنگ کے دوران ساتھی اداکار رنبیر کپور کو زناٹے دار تھپڑ رسید کردیا جس پر رنبیر آپے سے باہر ہوگئے۔بالی ووڈ اداکارہ انوشکا شرما نے فلم ”اے دل ہے مشکل“ کے سیٹ پر رنبیر کپور کو زور دار تھپڑ رسید کردیا جس پر چاکلیٹی ہیرو اپنے غصے پر قابو نہ رکھ سکے اور سب کے سامنے انوشکا پر برس پڑے جس پر اداکارہ کو رنبیر سے معافی مانگنی پڑی۔میڈیا رپورٹس کے مطابق فلم ”اے دل ہے مشکل“ کے شوٹنگ سین کے دوران اداکارہ انوشکا شرما نے رنبیر کو تھپڑ مارنا تھا جس پر اداکارہ نے مناظر میں حقیقت کا رنگ بھرنے کے لیے چاکلیٹی ہیرو کو زور دار تھپڑ رسید کیا جس نے رنبیر کے چودہ طبق روشن کردیئے اور دن میں تارے دکھا دیئے جس کے بعد رنبیر کپور نے فلم کی شوٹنگ چھوڑ کر اداکارہ پر سب کے سامنے ہی چلانا شروع کردیا تاہم اداکارہ نے چاکلیٹی ہیرو سے معافی مانگنی پڑی جس پر فلم کی شوٹنگ دوبارہ شروع کردی گئی۔واضح رہے کہ فلم ”اے دل ہے مشکل“ میں اداکار رنبیر کپور، فواد خان ، ایشوریا رائے اور انوشکا شرما نے مرکزی کردار ادا کریں گے جب کہ فلم 28 اکتوبر کو نمائش کے لیے پیش کی جائے گی۔