تہران(ویب ڈیسک) ایران کے سپریم لیڈر آیت اللہ علی خامنہ ای جو ملک ایران پر ایک میزائل فائر کرے گا جواب میں اس پر 10 میزائل فائر کیے جائیں گے۔ آیت اللہ خامنہ ای نے جنگ کے خطرات کو مسترد کرتے ہوئے اسے مغرب کا ’پراپیگنڈا‘ قرار دیا۔اپنی تقریر میں ایرانی سپریم لیڈر نے کہا کہ انہوں نے ملک کی ایٹمی انتظامیہ کو جوہری افزودگی کی صلاحیت بڑھانے کا حکم دے دیا ہے۔تاہم ان کا کہنا تھا کہ یہ صلاحیت جوہری معاہدے کی مقررہ حد سے زیادہ نہیں ہوگی، جسے یورپی ممالک بچانے کی امید کر رہے ہیں۔ آیت اللہ علی خامنہ ای کا یورپی رہنماو¿ں کو تنبیہ کرتے ہوئے مزید کہنا تھا کہ ’چند یورپی ممالک سے ہمیں پیغام ملا کہ وہ ایرانی عوام سے امید کرتے ہیں کہ وہ ایک ہی وقت میں پابندیوں کو برداشت کریں اور ان سے نبردآزما ہوں اور ہم اپنی جوہری سرگرمیاں بھی ختم کردیں۔‘انہوں نے کہا کہ ’میں ان ممالک کو تنبیہ کرتے ہوئے کہتا ہوں کہ ان کا یہ خواب کبھی پورا نہیں ہوگا۔‘ان کا کہنا تھا کہ ’ایران کے عوام اور حکومت پابندیوں اور جوہری رکاوٹیں دونوں کو ساتھ برداشت نہیں کریں گے۔‘واضح رہے کہ اوباما انتظامیہ نے 2015 میں برطانیہ، فرانس، جرمنی، چین، روس کے ساتھ مل کر ایران سے معاہدہ کیا تھا، جس کے تحت جوہری سرگرمیاں ختم کرنے کے بدلے ایران پر عائد بین الاقوامی پابندیاں اٹھائی گئی تھیں۔تاہم اس حوالے سے کشیدگی نے ایک بار پھر اس وقت جنم لے لیا جب ٹرمپ انتظامیہ نے چند ہفتے قبل ایران کے ساتھ کیے گئے عالمی طاقتوں کے معاہدے سے علیحدہ ہونے کا اعلان کرتے ہوئے ایران پر پابندیاں بحال کرنے کے عزم کا اعادہ کیا۔
