فلم ’اسٹریٹ ڈانسر‘ میں کترینہ کی جگہ شردھا کپور اور نورا فتیحی کاسٹ

ممبئی(ویب ڈیسک) بالی ووڈ اداکارہ شردھا کپور اور نورا فتیحی نے آنے والی فلم ’اسٹریٹ ڈانسر‘ سے کترینہ کیف کی چھٹی کرادی۔فلم ریس کے بعد عنقریب آنے والی ڈانس فلم ’اسٹریٹ ڈانسر‘ میں نوجوان اداکار ورون دھون کے مدمقابل کترینہ کیف کو کاسٹ کیا گیا تھا اور کترینہ نے فلم سائن بھی کرلی تھی لیکن فلم ’بھارت‘ کی تاریخوں سے تصادم کی وجہ سے کترینہ نے فلم کرنے سے معذرت کرلی۔بھارتی میڈیا رپورٹس کے مطابق کترینہ کے عین شوٹنگ کے موقع پر فلم چھوڑ جانے کے بعد فلم میکرز نے ان کے متبادل شردھا کپور اور کینیڈین نژاد مراکشی اداکارہ نورا فتیحی کو شامل کرنے کا فیصلہ کیا جس کے بعد دونوں اداکاراﺅں کی جانب سے فلم سائن کرلی گئی ہے لیکن کرداروں کو اب تک راز میں رکھا گیا ہے۔معروف کوریو گرافر اور اس فلم کے ہدایت کار ریمو ڈی سوزا نے بھی تصدیق کرتے ہوئے کہا کہ نورا فتیحی خوبرو ہونے کے ساتھ ساتھ ڈانس میں بھی ماہر ہیں اور ہم نے ان کے تجربات کے پیش نظر ہم ان سے فلم ’اسٹریٹ ڈانسر‘ میں امیدیں وابستہ ہیں۔واضح رہے کہ فلم ’اسٹریٹ ڈانسر‘ کی شوٹنگ رواں ماہ جنوری میں شروع کی جائے گی جب کہ فلم 8 نومبر 2019ءکو سینما گھروں کی زینت بنے گی اس کے ہدایت کار ریمو ڈی سوزا ہیں۔