لاہور(شوبزڈیسک)معروف فلم رائٹر ،مکالمہ نویس اورہدایتکار ناصر ادیب نے 2019کو فلم انڈسٹر ی کی بحالی کے حوالے سے اہم قرار دے دیا۔ فیئر فرینڈز کلب کی جانب سے ان کے اعزاز میں ہونے والی تقریب میں اپنے خطاب کے دوران ناصر ادیب نے کہا کہ رواں برس پاکستانی سینما ماضی کے سنہرے دور کی یاد دلائے گا 2017اور 2018کے درمیان بننے والی فلموں نے آہستہ آہستہ فلم بینوں کے ذہنوں اور دلوں میں اپنی جگہ بنانے کے علاوہ فلمی نقادوں سے بھی داد وصول کی ہے۔توقع ہے کہ فلم مولا جٹ 2 بھی شائقین کو پسند آئے گی۔تقریب میں ملک ریاض،شمائلہ ظفر،ڈاکٹڑ ضیغم ذکی ،فیصل قائق قریشی ،فرح بٹ،آصف شاہ اور دیگر شامل تھے۔،محمد اعجاز قریشی،ندیم مظہر’عنبرین ،نیلم قریشی،غلام سرور بٹ اور دیگر نے شرکت کی۔
