سوناکشی کا ٹوٹل ” دھمال “ میں آئیٹم ” منگڈا“ہیلن کو خراج تحسین

لاہور(شوبز ڈیسک)بالی وڈ فنکارہ سوناکشی سنہا کا”ٹوٹل دھما ل“ فلم کے گیت ” منگڈا“میں لیجنڈ رقاصہ ہیلن کو خراج تحسین ۔گیت کی ویڈیومیں سوناکشی سنہا کے ساتھ اجے دیوگن جلوہ گر ہوئے ہیں ، فلم بائیس فروری کوسنیماﺅں کی زینت بنے گی۔ ایڈونچر، تھرل اور قہقہوں سے بھرپور بالی وڈکی آنے والی نئی فلم ” ٹوٹل دھمال “ کے میوزک کا جادو رفتہ رفتہ فلم لوورز کو اپنے سحر میں جکڑ تا جا رہا ہے ۔ فلم کی پروڈکشن ٹیم نے گذشتہ روز دوسرا گیت ” منگڈا“ شائقین کے سامنے پیش کیا جو دیکھتے ہی دیکھتے سوشل میڈیا اور میوزک ویب سائٹس پر ٹاپ ٹرینڈ بن گیا ۔ خوبروفنکارہ سوناکشی سنہا پر فلمایا گیا یہ گیت ستر اور اسی کی دہائی میںبالی وڈ کی معروف رقاصہ ہیلن کے مقبول گیت کا ری میک ہے جو ہیلن کی 1970میں ریلیز ہونے والی فلم انکار میں شامل تھا ۔ موسیقار گورو روشین کی زیر نگرانی بنے اس ری میک میں گلوکار شان ،جیوتیکاتانگری اور سوبرو گنگولی نے اپنی آواز کا جادو جگایا ہے ۔
جبکہ اس کی ویڈیو میں اجے دیوگن نے سوناکشی سنہا کے ساتھ جلوہ گر ہو کر اس کی رونق کو چار چاند لگا دئیے ہیں ۔
فلم کی کاسٹ میں انیل کپور، مادھوری ڈکشٹ، ارشد وارثی ، جاوید جعفری اوررتیش دیش مکھ سمیت دیگر فنکار شامل ہیں اور ڈسٹری بیوشن کلب کے پلیٹ فارم سے یہ بائیس فروری کو پاکستانی سرکٹ میں نمائش کیلئے پیش کی جائے گی ۔