لاہور (خصوصی رپورٹ) گوگل نے 2016ءمیں پاکستان میں سب سے زیادہ سرچ ہونے والی شخصیات کی فہرست جاری کردی جس میں ماڈل قندیل بلوچ پہلے‘ قوال امجد صابری دوسرے اور عبدالستار ایدھی تیسرے نمبر پر ہیں۔ گوگل کے مطابق انٹرنیٹ استعمال کرنے والوں کی ایک بڑی تعداد ٹاپ نیوز میکرز میں دلچسپی رکھتی تھی۔ اس سال سب سے زیادہ سرچ کی جانے والی شخصیت قندیل بلوچ تھیں جنہیں ان کے بھائی نے قتل کیا۔ گوگل کی ٹاپ تھری سرچنگ تینوں شخصیات رواں سال دنیا سے رخصت ہوئیں۔ چوتھے نمبر پر پاکستانیوں نے نومنتخب امریکی صدر ڈونلڈ ٹرمپ اور 5 ویں پر نئی گلوکارہ مومنہ مستحسن کو سرچ کیا۔
