شیخ رشیدکی تحریک انصاف سے ٹھن گئی …. اہم وجہ سامنے آ گئی

اسلام آباد (آن لائن) عوامی مسلم لیگ کے سربراہ رشید احمد نے وزیر داخلہ چوہدری نثار کے استعفے کے معاملے پر تحریک انصاف کا ساتھ دینے سے انکار کرتے ہوئے کہا کہ صرف وزیراعظم کے استعفے کی حمایت کروں گا پیپلزپارٹی کرپشن کے خلاف حقیقت میں سڑکوں پر آئی تو غور کروں گا۔اتوار کے روز شاہ محمود قریشی نے شیخ رشید کو فون کیا ور ان سے چوہدری نثار کے استعفے کے مطالبہ پر حمایت کی درخواست کی جس پر شیخ رشید نے انکار کرتے ہوئے کہاکہ ان کی جدوجہد نواز شریف کے خلاف ہے وزیراعظم مستعفی ہوں تو کابینہ خودختم ہوجائے گی نواز شریف چوہدری نثار کے خلاف سازش کررہے ہےں اور اپنے آپ کو بچانے کیلئے نثار کو قربانی کابکرا بنانا چاہتے ہےں۔انہوں نے کہا کہ پیپلزپارٹی کرپشن کے خلاف سڑکو ں پر آئی تو تحریک میں شامل ہونے کا سوچوں گا۔