صوبائی دارلحکومت سمیت صوبہ بھر میں کورونا وائرس کی شدت میں نمایاں کمی

(ویب ڈیسک)صوبائی دارلحکومت سمیت صوبہ بھر میں کرونا وائرس کی شدت میں نمایاں کمی آگئی، گزشتہ 24 گھنٹوں کے دوران لاہور میں صرف کم ترین 81 نئے مریض اور ایک شہری جاں بحق ہوا، ہسپتالوں کے آئسولیشن وارڈز میں بھی زیر علاج مریض کم ہو کر 142 رہ گئے۔ ترجمان پرائمری اینڈ سکینڈری ہیلتھ کے مطابق لاہور میں وباءکے دوران اب تک کرونا سے مجموعی طور پر 794 اموات ہوچکی ہیں اور 46366 کیسز رپورٹ ہوچکے ہیں، شہر کے سرکاری ہسپتالوں میں کورونا کے 91 مریض آئسولیشن وارڈز ، 55 مریض آئی سی یو اور 26 مریض وینٹی لیٹر پر ہیں جبکہ پرائیویٹ ہسپتالوں میں 51 مریض آئسولیشن وارڈز ، 19 مریض آئی سی یو اور 5 مریض وینٹی لیٹر پر ہیں۔گزشتہ 24 گھنٹوں کے دوران پنجاب بھر میں کرونا کے 398 نئے مریض سامنے آئے ہیں اور 4 اموات کی تصدیق کی گئی ہے، جس کے بعد صوبے میں کرونا کیسز کی مجموعی تعداد 90191 اور اموات 2083 ہوگئی ہیں، پنجاب میں کرونا کی تشخیص کیلئے اب تک 649101 ٹیسٹ کیے گئے ہیں اور 65689 مریض صحتیاب ہوچکے ہیں۔