کم از کم 2 ہزار فحش فلموں میں کام کرنے والے 67 سالہ امریکی اداکار رونالڈ جیریمی ہیٹ المعروف رون جیریمی پر امریکی عدالت میں ایک کمسن لڑکی سمیت مزید 12 خواتین کے ’ریپ‘ اور جنسی استحصال کے الزامات عائد کردیے گئے۔
خبر رساں ادارے رائٹرز کے مطابق رون جیریمی پر 31 اگست کو لاس اینجلس کی سپریم کورٹ میں مقامی حکام نے مزید 12 خواتین کے ’ریپ‘، جنسی استحصال اور ان پر تشدد کے الزامات عائد کیے۔
رومن جیریمی نے عدالت میں خود پر لگائے گیے 12 خواتین کے 20 جنسی جرائم کے الزامات کو تسلیم کرنے سے انکار کیا۔
رومن جیریمی پر 2 ماہ قبل جون میں بھی 5 خواتین کے ’ریپ‘ اور جنسی استحصال کے الزامات لگائے گئے تھے، تاہم انہوں نے اس وقت بھی الزامات کو تسلیم کرنے سے انکار کردیا تھا۔یہ بھی پڑھیں: ہولی وڈ اداکار پر تین خواتین کے ’ریپ‘ کا مقدم
رائٹرز کے مطابق رومن جیریمی پر الزامات لگانے والی خواتین کی عمریں 15 سے 54 سال کے درمیان ہیں اور ان پر الزامات لگانے والی مجموعی خواتین کی تعداد 17 ہوگئی۔
اداکار پر لگائے گئے الزامات کے مطابق انہوں نے 2004 سے رواں سال تک خواتین کو ’ریپ‘ اور جنسی استحصال کا نشانہ بنایا۔
