ہانگ کانگ: (ویب ڈیسک) ہینڈی گینگ نامی ایک چینی یوٹیوبر نے عام پاور بینک سے 900 گنا طاقتور ’میگا پاور بینک‘ بنا لیا جو پانچ ہزار اسمارٹ فونز کی بیٹریاں مکمل چارج کرسکتا ہے۔
چینی زبان میں بنائی گئی ایک دلچسپ لیکن مختصر یوٹیوب ویڈیو میں ہینڈی نے دکھایا ہے کہ میگا پاور بینک انہوں نے کیسے تیار کیا ہے
زیادہ صحیح الفاظ میں کہا جائے تو اس پاور بینک میں 27 ملین (2 کروڑ 70 لاکھ) ایم اے ایچ جتنی بجلی ذخیرہ کرنے کی صلاحیت ہے۔
میگا پاور بینک کے چارجنگ ایریا میں 60 ساکٹ نصب ہیں جن سے موبائل فون، چھوٹے پاور بینکس اور لیپ ٹاپ کمپیوٹر تک ایک ساتھ چارج کیے جاسکتے ہیں۔
ویڈیو سے ظاہر ہوتا ہے کہ ہینڈی گینگ نے یہ میگا پاور بینک غالباً بجلی سے چلنے والی کسی گاڑی کے بیٹری یونٹ میں تبدیلی کرکے تیار کیا ہے۔
میگا پاور بینک کو ایک سے دوسری لے جانے کےلیے اس میں پہیے بھی نصب ہیں۔
اس کے ذریعے اسمارٹ فونز چارج کرنے کے علاوہ آپ ٹیلی ویژن نشریات سے بھی لطف اندوز ہوسکتے ہیں۔
اس دیوقامت پاور بینک میں اتنی بجلی ذخیرہ کی جاسکتی ہے کہ جو ایک عام گھر میں بجلی کی تمام ضروریات کم از کم پندرہ دنوں تک آرام سے پوری کرسکے گی۔
یہ ’میگا پاور بینک‘ 5,000 اسمارٹ فونز چارج کرسکتا ہے!
