لاہور : (ویب ڈیسک) نیب لاہور نے آمدن سے زائد اثاثہ جات بنانے کے الزام میں مسلم لیگ (ن) کے رکن قومی اسمبلی اظہر قیوم ناہرہ کو طلب کرلیا۔
نیب لاہور نے آمدن سے زائداثاثہ جات کے الزام میں گوجرانوالہ سے (ن) لیگ کے رکن قومی اسمبلی اظہر قیوم ناہرہ اور ان کے بھائی مدثر قیوم ناہرہ کو آج طلبی کا نوٹس جاری کیا ہے۔
ناہرہ برادران نے نیب کی جانب سے طلب کیے جانے پر ایک بیان میں کہا ہے کہ نیب ہمیں ان الزامات میں انکوائری کے بعد کلیئرنس جاری کرچکا ہے، ڈھائی سال بعد ہمیں دوبارہ طلب کرناسیاسی بلیک میلنگ ہے،کسی بلیک میلنگ میں آکرن لیگ کونہیں چھوڑیں گے۔
نیب نے (ن) لیگ کے ایم این اے اظہر قیوم اور ان کے بھائی کو طلب کرلیا
