لاہور: (ویب ڈیسک) ملک میں کورونا کیسز میں کمی آنے لگی، گزشتہ چوبیس گھنٹے کے دوران 3 مریض دم توڑ گئے، 609 افراد وائرس سے متاثر ہوئے ہیں۔
این سی او سی کے مطابق پاکستان میں کورونا سے اموات کی مجموعی تعداد 30 ہزار 307 ہو گئی ہے جبکہ ایکٹو کیسز کی تعداد 17 ہزار 961 ہے۔ ملک میں 15 لاکھ 18 ہزار 692 افراد کورونا سے متاثر ہوئے، 14 لاکھ 70 ہزار 424 مریض صحت یاب ہو چکے ہیں۔
اعداد و شمار کے مطابق ملک بھر میں 609 نئے کیسز رپورٹ ہوئے جبکہ کورونا مثبت کیسز کی تعداد 1.7 فیصد ریکارڈ کی گئی۔ صوبہ پنجاب میں 5 لاکھ 3 ہزار 715 افراد وبا میں مبتلا ہیں، سندھ میں 5 لاکھ 71 ہزار 854 ، خیبرپختونخوا 2 لاکھ 18 ہزار 70 جبکہ بلوچستان میں 35 ہزار 437 کیس رپورٹ ہوئے ہیں۔ وفاقی دارالحکومت اسلام آباد میں ایک لاکھ 34 ہزار 818 اور گلگت بلتستان میں 11 ہزار 631 کیسز پائے گئے ہیں۔
کورونا ہلاکتوں میں کمی، 3 مریض جاں بحق، 609 افراد وائرس سے متاثر
