ممبئی: (ویب ڈیسک) بالی ووڈ کے ’بادشاہ‘ شاہ رخ خان کی نئی فلم ’جوان‘ کی پہلی جھلک جاری کردی گئی جس کی سلمان خان نے بھی تعریف اور تشہیر کی ہے۔
میڈیا رپورٹ کے مطابق بھارت کے نامور ڈائریکٹر اتلی کمار کی ہدایت کاری میں بننے والی فلم جوان کا ایک منٹ پر مشتمل ٹیزر ریلیز کردیا گیا جس میں سپر اسٹار شاہ رخ خان نے مرکزی کردار نبھایا ہے، فلم کی پہلی جھلک میں کنگ خان کے ہاتھوں اور چہرے پر پٹیاں بندھی دیکھی جاسکتی ہیں۔
رپورٹ میں بتایا گیا کہ فلم کا ٹیزر آنے پر بالی ووڈ کے سلو میاں نے بھی شاہ رخ خان کی اداکاری کو سراہا اور ٹیزر کو اپنے سوشل میڈیا اکاؤنٹ کے ذریعے شیئر کیا جس کے کیپشن میں اداکار نے لکھا کہ ’’میرا جوان بھائی ریڈی ہے‘‘۔
کنگ خان کی اہلیہ غوری خان اس پروجیکٹ کی پروڈیوسر ہیں جبکہ فلم اگلے سال 2 جون کو سینما گھروں میں ریلیز کی جائے گی۔ فلم کی کہانی تاحال واضح نہیں ہوسکی تاہم کہا جارہا ہے کہ نئی فلم میں کنگ خان ایک منفرد انداز میں نظر آئیں گے جس کا اندازہ ٹیزر سے لگایا جاسکتا ہے۔
