رنگا رنگ پانچواں ایتھنو کلچر فیسٹیول ترکی میں جاری

ترکی : (ویب ڈیسک) ٹریڈیشنل اسپورٹس اینڈ گیمز ایسوسی ایشن نے ورلڈ ایتھنو اسپورٹس کانفیڈریشن کے تعاون سے کبڈی کو ترکی میں جاری پانچویں ایتھنو کلچر (علاقائی تہذیبوں کے) فیسٹیول میں متعارف کروا دیا.
اس سلسلے میں نمائشی میچ پاکستان اے اور پاکستان بی کی ٹیمز نے کھیلا۔ پاکستان کی جانب سے ترکی جانے والے دستے کی قیادت صدر ٹریڈیشنل اسپورٹس اینڈ گیمز پاکستان ایسوسی ایشن نواب فرقان خان کر رہے تھے۔
اس رنگا رنگ فیسٹیول میں 30 سے زائد ممالک نے اپنے روایتی کھیل متعارف کروائے جس کے بعد سب سے زیادہ پذیرائی کبڈی کو حاصل ہوئی۔ اس سلسلے میں بڑی کامیابی یہ بھی ملی کہ ستمبر میں ہونے والی عالمی میٹ گیمز میں کبڈی کے کھیل کو بھی شامل کرلیا گیا ہے۔