پاکستان کا ٹاس جیت کر بیٹنگ کرنے کا فیصلہ

ملتان: (ویب ڈیسک) پاکستان نے ویسٹ انڈیز کے خلاف سیریز کے تیسرے اور آخری ایک روزہ میچ میں ٹاس جیت کر پہلے بیٹنگ کرنے کا فیصلہ کر لیا۔
پاکستان اور ویسٹ انڈیز کے درمیان تیسرے ایک روزہ میچ میں قومی کرکٹ ٹیم کے کپتان بابراعظم نے ٹاس جیت کر پہلے بیٹنگ کرنے کا فیصلہ کیا۔
بابر اعظم نے کہا کہ ٹیم میں 2 تبدیلیاں کی گئی ہیں۔ حارث رؤف کی جگہ شاہ نواز دھانی جبکہ شاہین شاہ آفریدی کی جگہ حسن علی کو موقع دیا گیا ہے۔
ویسٹ انڈیز کے کپتان نکولس پورن نے کہا کہ کوشش ہو گی شاہین آفریدی کی عدم موجودگی میں پاکستان پر دباؤ بڑھائیں اور سیریز کے آخری میچ میں کامیابی سمیٹیں۔
قومی کرکٹ ٹیم کی جانب سے شاہنواز دھانی ون ڈے میچ میں ڈیبیو کر رہے ہیں، انہیں شاہین شاہ آفریدی نے کیپ دی۔
واضح رہے کہ پاکستان نے سیریز کے پہلے ایک روزہ میچ میں ویسٹ انڈیز کو 5 وکٹوں سے شکست دی تھی جبکہ دوسرے میچ میں گرین شرٹس نے کالی آندھی کو 120 رنز کے مارجن سے ہرایا تھا۔