چڑھائی کرنیوالوں کا انجام ایسا ہوگاکہ کوئی دوبارہ سوچ بھی نہ سکے، وزیرداخلہ راناثناللہ

اسلام آباد: (ویب ڈیسک) وفاقی وزیر داخلہ راناثناللہ نے کہا ہے کہ اعظم سواتی کے الزامات کو پوری شدت اور بھرپور پرزور الفاظ میں تردید کرتا ہوں، وہ صرف ایف آئی اے کی حراست میں رہے، دوران حراست ان کی عزت احترام کا پورا خیال رکھا گیا۔
اسلام آباد میں پریس کانفرنس کرتے ہوئے وزیر داخلہ نے کہا کہ عمران خان ہر کسی کو ننگا کروا رہا ہے ہر کسی پر جنسی تشدد کروا رہا ہے سواتی صاحب نے بھی منتیں کی ہیں، شیخ رشید نے بھی کہا ہے کہ صرف تشدد تک رکھیے گا۔
اپنی بات کو جاری رکھتے ہوئے انہوں نے کہا کہ مجھے بھی آج کل آپ زیادہ یاد کرتے ہیں جب میرا کیس ہوا تھا تو سواتی صاحب علیحدہ مل کر کہتے تھے بڑی زیادتی ہوئی، پی ٹی آئی والوں کو جو عمران خان کہتا ہے اسی پر سب لگ جاتے ہیں، کسی کی جرات نہیں کہ عمران خان کو کہہ سکیں کہ یہ غلط بات ہے جوعمران خان نے کہہ دیا اس پر بے لباس اور مظلوم بن جاتےہیں۔
رانا ثناء اللہ نے مزید کہا کہ اعظم سواتی کے الزامات کو پوری شدت اور بھرپور پرزور الفاظ میں تردید کرتا ہوں ایف آئی اے نے انتہائی قابل اعتراض ٹوئٹ پردرست مقدمہ درج کیا، اعظم سواتی صرف ایف آئی اے کی حراست میں رہے، دوران حراست ان کی عزت احترام کا پورا خیال رکھا گیا، انہیں گھر کا کھانا ملتا رہا ادویات مہیا کی جاتی رہیں۔
وفاقی وزیر داخلہ رانا ثناء اللہ نے کہا ہے کہ کسی جتھے کو اسلام آباد پر چڑھائی کا موقع نہیں دیں گے، جتھہ کلچرل ریاست کا وجود ختم کر دے گا۔
راولپنڈی میں میڈیا سے گفتگو کرتے ہوئے رانا ثناء اللہ نے کہا کہ قانون کے مطابق آئیں گے تو ذمہ داری نبھائیں گے، عمران خان کا سارا بیانیہ جھوٹ پر مبنی تھا، عوام کو جھوٹ اور فراڈ بیانیہ گھول کر پلایا جا رہا تھا، عمران خان کو چاہیے پنجاب حکومت کو ڈس مس کردیں۔
انہوں نے کہا ہے کہ آرمی آفیسرز سمیت کسی بھی محکمے جن پر تنقید اور الزامات ہوں وہ اپنا مؤقف پیش کرسکتے ہیں اور جب بھی ضرورت پڑے فوجی افسران کو ایسی آگاہی عوام کو دینی چاہیے۔
وزیر داخلہ نے کہا کہ اسلام آباد میں احتجاج سے متعلق سپریم کورٹ اور ہائیکورٹ کے احکامات واضح ہیں، عدالت کے متعین کردہ مقام پر مکمل سکیورٹی کے ساتھ احتجاج کا موقع دیں گے، پرامن احتجاج کے لیے حکومت اپنی ذمہ داریاں پوری کرے گی۔
رانا ثناء کا کہنا تھا کہ ارشد شریف سے متعلق سارے معاملات انکوائری کمیشن کے سپرد کردئیے ہیں اور بہت ساری چیزیں سامنے آگئی ہیں لیکن میں وہ ابھی نہیں بتا سکتا، کمیشن کی رپورٹ وزارت داخلہ کے پاس جمع ہو گی۔
انہوں نے مزید کہا کہ اینٹی کرپشن نے عمران خان کے کہنے پرمیری گرفتاری کا وارنٹ جاری کیا تھا اور آج خود ہی میرا وارنٹ گرفتاری واپس لیا، پنجاب میں گورنر راج کا ابھی تک کوئی فیصلہ نہیں ہوا نہ کوئی سمری بھجوائی گئی، عمران خان کو چاہیے کہ وہ پنجاب حکومت کو ڈسمس کریں۔