عمران خان سے سماجی کارکن تقویٰ احمد کی ملاقات، اپنی نظم بھی سنائی

لاہور: (ویب ڈیسک) چیئرمین پاکستان تحریک انصاف اور سابق وزیراعظم عمران خان سے سماجی کارکن اور امن کی سفیر تقوی احمد نے ملاقات کی ہے، ملاقات کے دوران 14 سالہ تقوی نے عمران خان کو اپنی نظم بھی سنائی۔
چیئرمین پی ٹی آئی عمران خان کے انسٹا گرام اکاؤنٹ سے سابق وزیر اعظم اور سماجی کارکن تقوی احمد کے درمیان ملاقات کی ویڈیو شیئر کی گئی جس میں دیکھا جاسکتا ہے کہ تقوی احمد عمران خان کو ایک نظم ” چلو کچھ کام کرجائو ” سنا رہی ہے۔
نظم کے ختم ہونے پر تقوی نے بتایا کہ اس نے یہ نظم عمران خان کیلئے سپیشل لکھی ہے جس پر چیئرمین پی ٹی آئی تقوی کی تعریف کرتے ہوئے کہتے ہیں کہ ” بڑی سمجھدار ہو، اور اپنی عمر سے بڑھ کر ہو “۔
انسٹا گرام پر شیئرکی گئ ویڈیو کے کیپشن می تحریرکیا گیا کہ ” تقویٰ، صرف 14 سال کی ہے اور Spina bifida میں مبتلا ہونے کے باوجود کمال کام کر رہی ہے ، جن کی بدولت وہ حضرت خدیجہ الکبریٰ، اور پرائیڈ آف پاکستان صدارتی ایوارڈ جیت چکی ہے “۔