کراچی: (ویب ڈیسک) ملک میں امریکی ڈالر کی قدر میں اضافے کا سلسلہ جاری، انٹربینک میں ڈالر مزید 23 پیسے مہنگا ہو گیا۔
اسٹیٹ بینک آف پاکستان کی جانب سے جاری اعداد و شمار کے مطابق کاروبار کے اختتام پر انٹربینک میں ڈالر کا ریٹ 23 پیسے اضافے کے ساتھ 224.94 روپے ہے۔ گزشتہ روز انٹربینک میں کاروبار کے اختتام پر ڈالر 224.71 روپے تھا۔
انٹربینک تبادلہ مارکیٹ کے کاروباری ہفتے میں ڈالر 55 پیسے مہنگا ہوا ہے۔ گزشتہ جمعے کاروبار کے اختتام پر ڈالر کا ریٹ 224.39 روپے تھا۔ اوپن مارکیٹ میں ڈالر کی قیمت 234 روپے پر برقرار ہے۔
