لاہور: (ویب ڈیسک) کاروباری ہفتے کے پہلے روز عالمی مارکیٹ میں سونے کی قیمت میں اضافہ کے ساتھ پاکستان میں بھی اضافہ ریکارڈ کیا گیا ہے۔
عالمی مارکیٹ میں فی اونس سونے کی قیمت 3 ڈالر کا اضافہ ہوا جس کے بعد نئی قیمت 1796 ڈالر کی سطح پر آگئی۔
مقامی صرافہ مارکیٹوں میں فی تولہ سونے کی قیمت میں 2200 روپے کا بڑا اضافہ ریکارڈ کیا گیا ہے جس کے بعد سونے کی نئی قیمت ایک لاکھ 74 ہزار900 روپے ہو کر تاریخ کی نئی بلند ترین سطح پر آگئی ہے۔
دس گرام سونے کی قیمت میں 1886 روپے کا اضافہ ریکارڈ کیا گیا جس کے بعد نئی قیمت ایک لاکھ 49 ہزار 948 روپے کی سطح پر آ گئی۔
عالمی مارکیٹ کے ساتھ پاکستان میں بھی سونے کی قیمت میں بڑا اضافہ
