کراچی: (ویب ڈیسک) سونے کی فی تولہ قیمت میں ہزاروں روپے کی بڑی کمی دیکھنے میں آئی ہے۔
بین الاقوامی مارکیٹ میں فی اونس سونے کی قیمت 5 ڈالر کی کمی سے 1915 ڈالر کی سطح پر آنے کے باعث مقامی صرافہ مارکیٹوں میں بھی سونے کی قیمتوں میں بڑی کمی واقع ہوئی۔
قومی صرافہ مارکیٹ میں فی تولہ سونے کی قیمت میں 2800 جبکہ فی 10 گرام سونے کی قیمتوں میں 2401 روپے کی کمی واقع ہوئی۔
قیمتوں میں کمی کے باعث فی تولہ سونے کی نئی قیمت ایک لاکھ 84 ہزار 500 روپے اور فی دس گرام سونے کی قیمت ایک لاکھ 58 ہزار 179 روپے کی سطح پر آگئی۔
اسی طرح فی تولہ چاندی کی قیمت 20 روپے کی کمی سے 2080 روپے اور دس گرام چاندی کی قیمت بھی 17.15 روپے کی کمی سے 1800.41 روپے کی سطح پر آگئی۔
