کراچی: (ویب ڈیسک) عالمی مارکیٹ میں سونے کی قیمت کم ہونے کے بعد ملکی سطح پر سونے کے نرخ میں معمولی کمی ہوئی ہے۔
سونے کی عالمی قیمت فی اونس 6 ڈالر گھٹ کر 1909 ڈالر کی سطح پر آگئی جس کے بعد ملکی سطح پر سونے کی فی تولہ قیمت میں 100 روپے اور فی دس گرام قیمت میں 85 روپے کی کمی آئی ہے۔
ملکی صرافہ مارکیٹ میں آج قیمت کمی ہونے کے بعد سونے کی فی تولہ قیمت ایک لاکھ 84 ہزار 400 روپے اور فی دس گرام قیمت ایک لاکھ 58 ہزار 93 روپے کی سطح پر آگئی۔
اس کے برعکس فی تولہ چاندی کی قیمت بغیر کسی تبدیلی کے 2080 روپے اور دس گرام چاندی کی قیمت بھی بغیر کسی تبدیلی کے 1800.41 روپے کی سطح پر مستحکم رہی۔
