اسلام آباد: (ویب ڈیسک) شہر اقتدار میں جنسی زیادتی کا ایک اور واقعہ سامنے آ گیا، ملزمان نے خاتون کو گاڑی میں زیادتی کا نشانہ بنا ڈالا، پولیس نے راولپنڈی کی رہائشی خاتون کی مدعیت میں مقدمہ درج کر لیا۔
ایف آئی آر کے مطابق ملزمان امجد خان اور عامر زمان نے نوکری کا جھانسہ دے کر گن پوائنٹ پر خاتون کے ساتھ زیادتی کی، ملزمان پہلے گاڑی میں بٹھا کر گھماتے رہے اور پھر نازیبا حرکات شروع کر دیں۔
خاتون کے شور مچانے پر ملزمان نے گاڑی ایف 11 میں بنے فلیٹس کی عقبی طرف ویرانے میں روک لی، شور مچانے پر ملزمان نے خاتون کو جان سے مارنے کی دھمکی دی اور گاڑی میں ہی زیادتی کا نشانہ بنا ڈالا۔
