پاکستان شوبز انڈسٹری کی معروف اداکارہ ماہرہ خان نے زندگی کی ایک اور بہار دیکھ لی، اداکارہ نے گزشتہ روز اپنی 39ویں سالگرہ منائی۔
گزشتہ روز اداکارہ کی سالگرہ مناتے تصاویر سوشل میڈیا پر وائرل ہوگئیں۔
ماہرہ خان نے اپنے سوشل میڈیا اکاؤنٹ پر اپنے شوہر سلیم کریم اور بیٹے اذلان عسکری کے ہمراہ اپنی سالگرہ مناتی تصاویر و یڈیوز انسٹا اسٹوری پر ری شیئر بھی کیں۔
وائرل تصاویر و ویڈیوز میں ماہرہ خان کو بیٹے کے ساتھ سالگرہ کا کیک کاٹتے ہوئے دیکھا جاسکتا ہے۔
اداکارہ کی سالگرہ میں ان کے قریبی دوستوں نے بھی شرکت کی تھی۔
ماہرہ خان نے 2007ء علی عسکری سے شادی کی تھی جو 2015ء میں ختم ہوئی، پہلی شادی سے ان کا ایک 13 سالہ بیٹا بھی ہے۔
اداکارہ رواں سال اکتوبر میں بزنس ٹائیکون سلیم کریم سے دوسری بار رشتہ ازدواج میں بندھی ہیں۔
