اسلام آباد (ویب ڈیسک) مارچ گزر گیا کوئی بڑی خبر آئی نہ عوام کو کوئی بڑا فیصلہ سننے کو ملا‘ سیاسی نجومیوں کی پیش گوئیاں دھری کی دھری رہ گئیں۔ مارچ میں سیاسی نجومیوں کی جانب سے تواتر کے ساتھ دعویٰ کیا جارہا تھا کہ مارچ میں غیر معمولی فیصلے سامنے آئیں گے جس کے دور رس سیاسی اثرات ہونگے اور یہ فیصلے اور یہ بڑی خبریں ملک میں سیاسی ہلچل بھی پیدا کرسکتی ہیں۔ سیاسی نجومیوں کی یہ پیش گوئیاں دھری کی دھری رہ گئیں اور مارچ بخیر و خوبی گزر گیا کوئی بڑی خبر آئی نہ کوئی بڑا فیصلہ آیا البتہ مارچ میں پوری قوم نے اس بار غیر معمولی طور پر یوم پاکستان کو ضرور منایا اور مختلف ممالک میں اس حوالے سے پاکستان کے ساتھ بھرپور یکجہتی کا اظہار بھی کیا گیا۔
