پاکستانی اور چینی کمپنیوں کا 13 شعبوں میں مشترکہ منصوبوں پر غور سی پیک 2 کو تیزی سے آگے بڑھیں گے،وزیراعظم شہباز شریف

اس اجلاس سے متعلق پاکستانی حکومت کی طرف سے جاری بیان میں کہا گیا کہ ’معدنیات، سولر پینلز کی مینوفیکچرنگ، الیکٹرانکس، پیٹرو کیمیکز، سٹیل، موبائل فون کی مینوفیکچرنگ، ٹیکسٹائل، چمڑے کی صنعت، سرجیکل آلات، زراعت، الیکٹرک گاڑیاں، کھاد اور آئی سی ٹی سمیت تیرہ شعبوں میں پاکستانی اور چینی کمپنیوں نے مشترکہ منصوبے شروع کرنے کا جائزہ لیا۔‘
ملکی برآمدات میں اضافے اور نجی شعبہ کی حوصلہ افزائی کے لیے سی پیک کے دوسرے مرحلے کے تحت بزنس کانفرنس شینزین کا انعقاد کیا گیا۔
چھت تلے پاکستانی اور چینی کمپنیوں کو ایک ایسا ماحول فراہم کیا گیا کہ وہ اپنے دلچسپی کے شعبوں میں مشترکہ منصوبے شروع کر سکیں۔ ’پاکستا ن سے ایک سو بیس کمپنیوں کی کانفرنس میں شرکت جبکہ چین کی پانچ سو سے زائد کمپنیوں اور ممتاز کاروباری شخصیات کی پاکستانی کمپنیوں کے ساتھ بزنس ٹو بزنس میٹنگز ، دونوں ملکوں کے درمیان قریبی دوستانہ تعلقات اور ایک دوسرے کے ساتھ کاروبار کرنے کے عزم کا اظہار ہے۔‘
انہوں پاکستان میں موجود چینی شہریوں کو ہر ممکن تحفظ فراہم کرنے کا بھی اعادہ کیا شہباز شریف نے کہا کہ ’ہم نے سکیورٹی کو فول پروف بنانے کے لیے اقدامات کیے ہیں تاکہ پاکستان میں کام کرنے والے بھائیوں کی حفاظت کی جا سکے۔
’میں یقین دلاتا ہوں کہ پاکستان میں کام کرنے والے چینی بھائیوں کو اپنے بچوں اور اپنے آپ سے زیادہ سکیورٹی فراہم کریں گے۔
شہباز شریف نے کہا کہ پاکستان چین کی ون-چائنہ پالیسی کی بھرپور حمایت کرتا ہے۔ پاکستان چین کی ترقی سے بہت متاثر ہے اور اس سے سیکھنا چاہتا ہے۔
ان کا کہنا تھا کہ پاکستان چین کے ساتھ انفارمیشن ٹیکنالوجی، مصنوعی ذہانت، جدید زراعت و دیگر شعبوں میں اشتراک کے فروغ کا خواہاں ہے