صباقمر فلم”ہندی میڈیم“کی پرموشن کیلئے ممبئی پہنچ گئیں

لاہور(کلچرل رپورٹر)اداکارہ صباقمر بھارتی فلم”ہندی میڈیم“کی پرموشن کے لئے ممبئی پہنچ گئی ہیں جہاں وہ مختلف پروگراموں میں بھی شرکت کریں گی ،صباقمر نے بھارتی ویزے کے لئے دوہفتے قبل درخواست دی تھی جس پر انہیں تین روز قبل ویزااری کیا گیا جس کے فوری بعد وہ بھارت روانہ ہوگئیں۔ذرائع نے بتایا ہے کہ شدت پسند افراد کی مخالفت کے خوف سے انہیںزیادہ شہروںکا ویزہ جاری نہیں کیا کیونکہ بعض شدت پسند پاکستانی فنکاروں کی مخالفت میں پیش پیش ہیں۔ صباقمر بھارت میں فلم کی پبلسٹی کے دبئی اور آسٹریلیا سمیت دیگر ممالک میں بھی جائیں گی۔صبا قمراور عرفان خان کے مرکزی کرداروں پر مشتمل فلم” ہندی میڈیم“ 12مئی کو دنیابھرمیں ریلیز کی جائے گی۔