برمنگھم (ویب ڈیسک)
پاکستان اور انگلینڈ
کے درمیان تیسرا ٹیسٹ میچ شروع ہوا۔ انگلینڈ نے ٹاس جیت کر پاکستانی ٹیم کو بیٹنگ کی دعوت دی جو روایتی طور پر پہلی اننگز میں 133 رنز بناکر آؤٹ ہوگئی۔ پی سی بی کے ٹیم میں بہتری لانے کے تمام دعوے دھرے رہ گئے۔ نئے کھلاڑی بھی انگلینڈ کی بائولنگ کا سامنا کرنے میں ناکام رہے۔ تین ٹیسٹ میچوں کی سیریز میں انگلینڈ کو دو صفر کی فیصلہ کن برتری حاصل ہے۔ برمنگھم میں انگلینڈ کے کپتان نے ٹاس جیت کر پہلے بولنگ کا فیصلہ کیا، پاکستان کی جانب سے اننگز کا آغاز صائم ایوب اور اذان اویس نے کیا لیکن صائم ایوب بغیر کوئی رن بنائے آؤٹ ہوگئے جبکہ اذان اویس ایک بار پھر ناکام رہے اور صرف 9 رنز کے مہمان ثابت ہوئے۔ عبداللہ شفیق بھی 3 رنز بنا کر رابنسن کا شکار ہوگئے جبکہ شان مسعود کو آرچر نے آؤٹ کیا، کپتان بابر اعظم 7 رنز بناکر آؤٹ ہوئے، سعود شکیل 43 رنز بناکر پویلین لوٹے۔ پہلا ٹیسٹ کھیلنے والے غازی غوری 4 رنز بنا کرآؤٹ ہوئے جبکہ محمد عباس نے 21 رنز بنائے۔ انگلینڈ کے جوش ٹنگ نے 4 وکٹیں حاصل کیں جبکہ اولی روبنسن اور جوفرا آرچر نے 3،3 کھلاڑیوں کو پویلین کی راہ دکھائی۔ پاکستان کی جانب سے 3 کھلاڑیوں نے ٹیسٹ ڈیبیو کیا، غازی غوری، رضا اللہ اور عمران رندھاوا کو پلیئنگ الیون کا حصہ بنایاگیا۔ ڈیبیو میچ میں پاکستانی بولر رضااللہ نے انگلش کپتان کو پہلے ہی اوور میں آؤٹ کر دیا۔ 21 سالہ رضا اللہ نے تقریباً 90 میل فی گھنٹہ کی رفتار سے گیند کراتے ہوئے اپنے پہلے ہی اوور میں اہم وکٹ حاصل کی۔ انگلینڈ کی جانب سے جوش ٹنگ نے 4 جبکہ اولی رابنسن اور جوفرا آرچر نے 3،3 وکٹیں حاصل کیں۔انگلینڈ نے دن کے اختتام پر چار وکٹ کے نقصان پر 156رنز بنالئے تھے اس طرح ان کو پہلی اننگز میں 23رنز کی لیڈ حاصل ہوگئی ہے۔
ٹیسٹ میچ
