جنوبی لبنان کے شہر خیام میں اسرائیلی فوج نے بڑا دھماکا کیا، جس سے علاقے میں شدید خوف و ہراس پھیل گیا۔ تازہ رپورٹس کے مطابق اسرائیلی فورسز نے جنوبی لبنان میں اپنی کارروائیاں جاری رکھتے ہوئے خیام کے علاقے میں ایک بڑے پیمانے کا دھماکا کیا۔
خیام، مرجعیون ضلع میں واقع ہے اور حالیہ عرصے میں یہاں اسرائیلی فوج کی جانب سے فضائی حملوں، بمباری اور تباہی کی کارروائیاں رپورٹ ہوتی رہی ہیں۔
یہ واقعہ ایسے وقت میں پیش آیا ہے جب جنوبی لبنان میں اسرائیل اور حزب اللہ کے درمیان کشیدگی برقرار ہے۔ اسرائیل نے حالیہ دنوں میں جنوبی لبنان میں حزب اللہ کے زیرِ زمین انفراسٹرکچر کے خلاف بڑے آپریشنز بھی کیے ہیں۔
