جنگ ختم ہو جا ئے گی ٹرمپ شرائط تسلیم نہ ہونے تک مذکرات بے سود ایران

(این این آئی) ہرمز بحران اور سعودی عرب کو درپیش سکیورٹی خطرات پر امریکی صدر ڈونلڈ ٹرمپ نے مکمل بہتری کا عندیہ دیدیا۔آئرلینڈ کےباقی صدورے کے دوران ڈبلن میں میڈیا سے گفتگو کرتے ہوئے ڈونلڈ ٹرمپ نے سعودی عرب پر حالیہ حملوں کے بعد پیدا ہونے والی تشویشناک صورتحال پر بات کی، جس میں انہوں نے یقین دلایا کہ آبنائے ہرمز میں تجارتی بحری آمدورفت کی بحالی اور خطے میں پیدا ہونے والے تمام تر خدشات جلد حل ہو جائیں گے۔ آبنائے ہرمز سے تیل امریکا کو نہیں یورپ کو ملتا ہے، اس کے باوجود نیٹو نے آبنائے ہرمز پر امریکا کی مدد نہیں کی۔ٹرمپ کا کہنا تھا کہ ایران جنگ میں دنیا نے امریکی فوجی طاقت کا مظاہرہ دیکھ لیا۔ ٹرمپ نے آبنائے ہْرمْز کی بارودی سرنگیں صاف کرنے کا دعویٰ دہرایا۔میڈیا سے گفتگو میں ٹرمپ نے کہا کہ امریکا اور آئرلینڈ مل کر بہت بہترین کام کرتے ہیں، ایران جنگ بہت جلد ختم ہوجائیگی اور جنگ ختم ہونے کے بعد تیل کی قیمتیں گر جائیں گی۔ صحافیوں کی جانب سے پوچھے گئے سوال کے جواب میں انہوں نے مختصراً کہا کہ سب کچھ بالکل ٹھیک ہو جائے گا۔امریکی صدر کا یہ تازہ بیان آئرش صدر کیتھرین کونولی سے ملاقات کے بعد سامنے آیا ہے، جس میں انہوں نے خطے میں جاری کشیدگی کے خاتمے کے حوالے سے پر اعتماد نظر آئے۔ ایرانی پارلیمنٹ کی قومی سلامتی کمیٹی کے سربراہ ابراہیم عزیزی نے کہا ہے کہ ایران کی شرائط تسلیم ہونے تک مذاکرات بے سود ہیں اور ایران کی شرائط پوری ہونے تک امریکا سے کوئی مذاکرات نہیں ہوں گے۔ ایرانی فوج کے سربراہ میجر جنرل امیر حاتمی نے کہا ہے کہ ایران کے دشمن واضح طور پر دیکھ چکے ہیں کہ کسی بھی جارحیت پر ایران کی فوج اور پاسداران انقلاب کی جانب سے فوری اور بھرپور جواب دیا جائے گا۔ پاسداران انقلاب کے کمانڈر میجر جنرل احمد وحیدی کے ساتھ جنگ کی صورتحال پر ہونے والی ملاقات کے موقع پر ایرانی فوج کے کمانڈر میجر جنرل امیر حاتمی کا کہنا تھا کہ ایران نے ایک بار پھر ثابت کیا ہے کہ وہ اپنے قومی مفادات پرکوئی سمجھوتہ نہیں کرے گا۔