راولپنڈی(خصوصی رپورٹر)ایڈیشنل ڈسٹرکٹ اینڈ سیشن جج راولپنڈی نصیر احمد نے تھانہ سول لائن کے مشہور حنا جاوید قتل کیس کے شریک ملزم کی درخواست ضمانت پر ایس ایچ او تھانہ سول لائن کو نوٹس جاری کرتے ہوئے ہدایت کی ہے کہ وہ مدعی فریق کو درخواست ضمانت سے متعلق آگاہ کریں کہ وہ 19 ستمبر کو عدالت میں حاضر ہوں مقدمہ کے شریک ملزم و مقدمہ میں نامزد مرکزی ملزم فیصل اصغر کے ملازم ذیشان نے مقدمہ میں اپنی نامزدگی کو بے بنیاد اور بلاجواز قرار دیتے ہوئے ضمانت کی درخواست دائر کی تھی تاہم گزشتہ روز سماعت کے موقع پر مدعی مقدمہ عدالت میں پیش نہ ہوا جس پر عدالت نے ایس ایچ او تھانہ سول لائن کو حکم دیا ہے کہ وہ مدعی کو اس بات کا پابند کریں کہ وہ آئندہ تاریخ پر عدالت حاضری یقینی بنائیں یا رہے کہ جواں سال حنا جاوید کی تشدد زدہ لاش گھر کے باتھ روم میں شاور سے لٹکی ہوئی تھی جس کے ہاتھ بھی بندھے ہوئے تھے سول لائن پولیس نے حنا جاوید کے قتل کے مقدمہ میں مقتولہ کے شوہر، سسر اور ان کے گھریلو ملازم کو نامزد کیا تھا،
